شاب راسي وانتهى دور الشبابي

[ابو ليان]

شاب راسي وانتهى دور الشبابي = ما هو المطلوب والواجب عليه
يا كريم العفو تغفر لي ذنوبي = من خطايا النفس لا تكتب عليه
يا منشّي بالسما غر السحابي = يا عليم بكل ذرات(ن) خفيه
والله اني دارس(ن) نص الكتابي = والجواب بحزته يملى عليه
بان لي ما بان لي مع كل بابي = واتخيل سيرت(ن) مرت عليه
دورة الايام تقل انه سرابي = ماتصدّر منه قطعانٍ ضميه
والجسد لابد يدفن بالترابي = سنةٍ متساويه فيها البريه
اجتهد يالعبد قدام الحسابي = واحفظ المنطوق عن زور وخطيه
لا تقول الزور في لفظ الجوابي = والمعاني بالحروف الابجديه
واحتسب وتفوز في جزل الثوابي = لا تردد سير و النيه مطيه
قلتها والله عليم(ن) بالصوابي = وكل شي مسجلٍ لك بالهويه
وانتبه قدام ياتيك العذابي = واستخير وكب دور الجاهليه
والسفر يحتاج مصروف وزهابي = والخوي ملزوم في شيمة خويه
ومن عطاك انصاب دبله انصابي = واعرف انك حر ماتبغى وصيه
راكب اللي لا مشى يعجب اعجابي = من وكالة تي مهدالي هديـه
من حبيب بالغلا وده صطابي = نون عيني لو زعل غيره عليهالشاعر / سلمان صالح المرواني

[ضيف الله محسن]

صح لسان الشاعر ... الكبير .. سلمان بن صالح المرواني


مشكور يابو ليان على النقل الرائع

[ابونواف المزيني]

بيض الله وجهك ياشاعرنا الكبير ابو طارق وصح لسانك وفعلا الانسان لازم يستعد لسفره الاخير
نسأل الله ان يحسن ختامنا وختامكم وختام كل مسلم
وتشكر يابو ليان علي جهودك

[أبن عتقاء]

اجتهـد يالعبـد قـدام الحسابـي =واحفظ المنطوق عن زور وخطيه

صح لسان شاعرنا ابو طارق لاهنت ابو ليان على هذا الجهد ودمت بهذا العطاء

[حفيد ابو شنب]

صح لسان الشاعر الكبير .. سلمان بن صالح المرواني ...
مشكور يابو ليان على الجهد المستمر

[الوفي]

شاعر جزل صاحب كلمات عذبة مليئة بالمعاني صح لسانك يابوطارق اتمنى اتحافنا بالمزيد من القصائد الجميلة

[ابن نصيف]

والـجـسـد لابـــد يـدفــن بـالـتـرابـي**سـنــةٍ مـتـسـاويـه فـيـهــا الـبـريــه

الله يغفر لنا ويرحمنااا برحمته ..

صح لسااااااااااان الشاااااااعر ابوطارق وبيض الله وجهه ..

ولا هنت على نقلهااا يا بو لياااان ..

[مشعل الحربي]

|--*¨®¨*--|صح لسان كتبه وتسلم يدين ناقله|--*¨®¨*--|