اهـ يآجود الحزن
07-06-2009, 01:40 PM
السلام عليكم ورحمة الله وبركاته
مسـاء الخير لجميع الاعضاء والزوارر الكرام...
دآئمـآ اللحضـات الســعيدة تمــر سريعآ...
وقضيت اوقآت جميلة بهذا المنتدى الشـامخ ..
ولكن اتوقـف هنا ولن اعود .. مكللاً بالود والاحترام ..من جميعكم..
واعذروني على التقصـير وسآمحونا...واشكركم جميعآ...
وتوقفي عن الاستمرار.....
نظرِآ للضـروف العملية والايعآز الشـخصي...
قصيدة متواضعه عربون للذكرى في رحآبكم....
القصـــيدة
عديت لي ضلعٍ على الرجل حفـاي=وغرقت عيوني من حبيس الدموعـي
عديت في راسة كما الذيب عـواي=اربع ليالٍ طـاوي البطـن جوعـي
وطار القرار اللي على الصلب والراي=وجلع فؤادي من ركونـة جلوعـي
تجليع خربٍ شاف بالجـو نصـاي=في وسط جوله, والبنـادق تفوعـي
حرٍ شلع من ضاهر الكـف دمـاي=وبندق صويبٍ من وراهم تروعـي
همٍ يقـدد ثومـة القلـب كـواي=من جال نارٍ فـي لهبهـا لسوعـي
لسع العقارب في شبـاطٍ وشتـاي=باخر فصولة من نقوضـه شروعـي
ياقو مسـة وان تهاديـت لحشـاي=واليا تجمل خـش بيـن الضلوعـي
كن الوهن بداخل النفس خطـراي=يسل روحي من جسدهـا نزوعـي
ياكم مـرة لولـس الليـل بعنـاي=وياكم مرة شـع صبـحٍ شنوعـي
وياكم مرة كنـت بالليـل سـراي=اتبـع ورا هـمٍ يطفـي شمـوعـي
ماخف وقعه غيـر لاقـام مبنـاي=وجني غفال الشّرد في كـل نوعـي
تزاحمن علـى فراشـي ومركـاي=يبـن مكـانٍ متعبـات الولوعـي
مدري طماعه يوم تسترفد خطـاي=والا هروبٍ من عديـم السنوعـي
تصاولٍ عطـش الحلاقيـم بـرواي=مثل الضوامي في جفـافٍ لذوعـي
مدري ضماهن يوم تتبـع مطايـاي=والا طواهن جوع بعـد الشبوعـي
وانـا بلاهـن حايمـاتٍ ضمايـاي=مير البلاء ان كان جتنـي تبوعـي
طبن سـراعٍ فـي مزايـا عطايـاي=وخذن عليه عهـد مانـي طموعـي
عهدٍ علي وصادق العهـد قـداي=ماراعك العايـل, وسيفـي بتوعـي
وكني على عدٍ ومستنكف رشـاي=والا على فيـضٍ قليـل الرتوعـي
ارضٍ هشاش وخالط الجـو سقـاي=من مزنهٍ غـراء مطرهـا سبوعـي
سبعة ليالٍ في سعـد بلـع نجمـاي=ثعول وبله فـي صفيـح المروعـي
وشبيت نارٍ من محاديـب صلـواي=وشربت كيفي مع فدايـد قدوعـي
وشطرت وجهي يوم خابت هقاياي=ربٍ رحومٍ يـوم صبـري يموعـي
وصليت لله شاكيـن لـه دعايـاي=وقريت سبعٍ مع سجود وركوعـي
لاشك لاحقني من الغيـض جـذاي=على رفيـقٍ باعـه ماهـو ببوعـي
اعطيتة الخوة علـى قـد مرمـاي=وانـا صويـبٍ ماتجينـي رموعـي
ياكم مرة شذب الـدرب ممشـاي=وخلى رتاجٍ فـي طريـقٍ قطوعـي
مدري علامه ناقـل الغـش لـواي=زامي على كبده خبيـث الطبوعـي
ان كانها فرقا تـرى البـال نسـاي=وان كانها غـدره ترايـة جزوعـي
سيفٍ حدب بساعه الضيق شمـلاي=ماهـو ثلـومٍ فـي يديني,قطوعـي
وان غرك مـن زمانـي وجـوراي=ياسـرع ماقـام الكريـم الملوعـي
وان كان عني مكثر الصد والنـاي=اعرف ترا فرقـاك عـز وقنوعـي
النخله اللي شوكها موخـز شفـاي=ياعلها تمـزر غصـون وجذوعـي
لاضل فـي صيـفٍ ولانـوم ذراي=ولاجني تمرٍ من عذوقـة طلوعـي
مالي ومالة مبعـد التيـة غوغـاي=اللي على الشينات دايـم دنوعـي
ولاشك لامسني من الشوق عـزاي=عزاه ياطـرد الكحيـل الفروعـي
لا شفت نوض البرق بالليل ضـواي=تبعـت براقـة بلـيـا قنـوعـي
الشوق حاديني على الصوت لبـاي=غروٍ تمهيف غنـج ماهـو خنوعـي
يمشي على كيفي ليا شاف صمـلاي=وامشي على كيفه لاشفت الخضوعي
واليا عطيت الفكر جولـه بدنيـاي=تهدا ضنوني مـن ضياغـم ربوعـي
ماني على ربعـي قليـلٍ تفخـراي=يوم التفاخر كـل واحـد يذوعـي
حطيت مرقاعٍ على الخـد عرقـاي=وسوم ربعـي يـوم لـم الجموعـي
حربٍ محاربها على الخيـل سلقـاي=والغانم اللـي فـي حماهـا منوعـي
في وادي الرمه عسى المحـل قفـاي=شبعت بطون مقضمات الجضوعـي
لكنها في داخل القلـب واعضـاي=واللي سلم منهن تجيـه الفجوعـي
ناحن حمام الورق في صوت مشجاي=صوت القشر دايم يمـازج سموعـي
وان زانت الدنيا على كيف مشهاي=ولاحت بروقٍ فـي سمانـا لموعـي
نزلت من راسه على الرجل حفـاي=وفكيت عيني من حبيس الدموعي
بـــدر ســعود المروآني الحربي...
مسـاء الخير لجميع الاعضاء والزوارر الكرام...
دآئمـآ اللحضـات الســعيدة تمــر سريعآ...
وقضيت اوقآت جميلة بهذا المنتدى الشـامخ ..
ولكن اتوقـف هنا ولن اعود .. مكللاً بالود والاحترام ..من جميعكم..
واعذروني على التقصـير وسآمحونا...واشكركم جميعآ...
وتوقفي عن الاستمرار.....
نظرِآ للضـروف العملية والايعآز الشـخصي...
قصيدة متواضعه عربون للذكرى في رحآبكم....
القصـــيدة
عديت لي ضلعٍ على الرجل حفـاي=وغرقت عيوني من حبيس الدموعـي
عديت في راسة كما الذيب عـواي=اربع ليالٍ طـاوي البطـن جوعـي
وطار القرار اللي على الصلب والراي=وجلع فؤادي من ركونـة جلوعـي
تجليع خربٍ شاف بالجـو نصـاي=في وسط جوله, والبنـادق تفوعـي
حرٍ شلع من ضاهر الكـف دمـاي=وبندق صويبٍ من وراهم تروعـي
همٍ يقـدد ثومـة القلـب كـواي=من جال نارٍ فـي لهبهـا لسوعـي
لسع العقارب في شبـاطٍ وشتـاي=باخر فصولة من نقوضـه شروعـي
ياقو مسـة وان تهاديـت لحشـاي=واليا تجمل خـش بيـن الضلوعـي
كن الوهن بداخل النفس خطـراي=يسل روحي من جسدهـا نزوعـي
ياكم مـرة لولـس الليـل بعنـاي=وياكم مرة شـع صبـحٍ شنوعـي
وياكم مرة كنـت بالليـل سـراي=اتبـع ورا هـمٍ يطفـي شمـوعـي
ماخف وقعه غيـر لاقـام مبنـاي=وجني غفال الشّرد في كـل نوعـي
تزاحمن علـى فراشـي ومركـاي=يبـن مكـانٍ متعبـات الولوعـي
مدري طماعه يوم تسترفد خطـاي=والا هروبٍ من عديـم السنوعـي
تصاولٍ عطـش الحلاقيـم بـرواي=مثل الضوامي في جفـافٍ لذوعـي
مدري ضماهن يوم تتبـع مطايـاي=والا طواهن جوع بعـد الشبوعـي
وانـا بلاهـن حايمـاتٍ ضمايـاي=مير البلاء ان كان جتنـي تبوعـي
طبن سـراعٍ فـي مزايـا عطايـاي=وخذن عليه عهـد مانـي طموعـي
عهدٍ علي وصادق العهـد قـداي=ماراعك العايـل, وسيفـي بتوعـي
وكني على عدٍ ومستنكف رشـاي=والا على فيـضٍ قليـل الرتوعـي
ارضٍ هشاش وخالط الجـو سقـاي=من مزنهٍ غـراء مطرهـا سبوعـي
سبعة ليالٍ في سعـد بلـع نجمـاي=ثعول وبله فـي صفيـح المروعـي
وشبيت نارٍ من محاديـب صلـواي=وشربت كيفي مع فدايـد قدوعـي
وشطرت وجهي يوم خابت هقاياي=ربٍ رحومٍ يـوم صبـري يموعـي
وصليت لله شاكيـن لـه دعايـاي=وقريت سبعٍ مع سجود وركوعـي
لاشك لاحقني من الغيـض جـذاي=على رفيـقٍ باعـه ماهـو ببوعـي
اعطيتة الخوة علـى قـد مرمـاي=وانـا صويـبٍ ماتجينـي رموعـي
ياكم مرة شذب الـدرب ممشـاي=وخلى رتاجٍ فـي طريـقٍ قطوعـي
مدري علامه ناقـل الغـش لـواي=زامي على كبده خبيـث الطبوعـي
ان كانها فرقا تـرى البـال نسـاي=وان كانها غـدره ترايـة جزوعـي
سيفٍ حدب بساعه الضيق شمـلاي=ماهـو ثلـومٍ فـي يديني,قطوعـي
وان غرك مـن زمانـي وجـوراي=ياسـرع ماقـام الكريـم الملوعـي
وان كان عني مكثر الصد والنـاي=اعرف ترا فرقـاك عـز وقنوعـي
النخله اللي شوكها موخـز شفـاي=ياعلها تمـزر غصـون وجذوعـي
لاضل فـي صيـفٍ ولانـوم ذراي=ولاجني تمرٍ من عذوقـة طلوعـي
مالي ومالة مبعـد التيـة غوغـاي=اللي على الشينات دايـم دنوعـي
ولاشك لامسني من الشوق عـزاي=عزاه ياطـرد الكحيـل الفروعـي
لا شفت نوض البرق بالليل ضـواي=تبعـت براقـة بلـيـا قنـوعـي
الشوق حاديني على الصوت لبـاي=غروٍ تمهيف غنـج ماهـو خنوعـي
يمشي على كيفي ليا شاف صمـلاي=وامشي على كيفه لاشفت الخضوعي
واليا عطيت الفكر جولـه بدنيـاي=تهدا ضنوني مـن ضياغـم ربوعـي
ماني على ربعـي قليـلٍ تفخـراي=يوم التفاخر كـل واحـد يذوعـي
حطيت مرقاعٍ على الخـد عرقـاي=وسوم ربعـي يـوم لـم الجموعـي
حربٍ محاربها على الخيـل سلقـاي=والغانم اللـي فـي حماهـا منوعـي
في وادي الرمه عسى المحـل قفـاي=شبعت بطون مقضمات الجضوعـي
لكنها في داخل القلـب واعضـاي=واللي سلم منهن تجيـه الفجوعـي
ناحن حمام الورق في صوت مشجاي=صوت القشر دايم يمـازج سموعـي
وان زانت الدنيا على كيف مشهاي=ولاحت بروقٍ فـي سمانـا لموعـي
نزلت من راسه على الرجل حفـاي=وفكيت عيني من حبيس الدموعي
بـــدر ســعود المروآني الحربي...