شاعر قضايا

[المرواني]

يا من لك المحتاج يبدي خضوعه=أنته ملاذي لا حدثّـن الرزايـا

يا واحدٍ كلّ الخلايـق بطوعـه=المطّلع فـي مـا تكّـن الحنايـا

تجبر عزاء قلبٍ تقافوا ربوعـه=بيض المواقف محتميـن الونايـا

قلبي عليهم مستلّجـةٍ ضلوعـه=وكبدي من الأحزان فيها كوايـا

العفو يا نفس الخطايا الجزوعـة=ترى الحـزون يبيّحـن الخفايـا

لا تحدّثين القلب فيمـا يروعـه=الصبر فيه من الكتاب الوصايـا

حسبّـب الأيـام لازم تلـوعـه=كم فرقـنّ قدمنـا مـن سرايـا

إلى متى عقب البيان مخدوعـة=بحلـوم ليـلٍ يقتلـنّ الخـلايـا

روفي بمحزونٍ تلاحق فجوعـه=لو طاب جرحه كل عام إتحايـا

اليوم ودّع من مناجـم دروعـه=درعٍ فجتنا بـه سهـوم المنايـا

إليّا جاء النهار اللّي قليلة فزوعه=ونادى المنادي قال يأهل الحمايا

إبن العسيلي طال شبره وبوعـه=محمد الممـدوح فعـل وسجايـا

إليّا ضوى ليلٍ مغيبـه شموعـه=ما هو بشاعر سلم شاعر قضايا

النادر اللّـي ساميّـاتٍ رموعـه=عزّ الصديق كعام لأهل الغوايـا

والبذر طيبه من مشاتل زروعه=يا لله عسى لخيار ربعـي بقايـا

عسى البقاء بحرار شكله ونوعه=ورثة محمـد طيّبيـن الحضأيـا

حماد بن مريزيق البشري

[علي بن خليفه]

يسعد لي مساك ,,,

بكل صراحه قصيدة رائعه

الحقيقه تشكر على المجهود الاكثر من رائع والى الامام اخوي



تقبل خالص تحياتي

[أبوفيصل]

قصيدة جميلة للشاعر حماد مريزيق البشري
ومجهود رائع اخي ابوفهد



ودمتم بخير