ياما حلا المجلاس مع شبت النار

[ابو منيف]

قصيدة للشاعر : سعود بن صالح بن دفيلج البشري


ياما حلا المجلاس مع شبت النار
بالرفـه اللـي رافعينـن شنقهـا
والدله الصفراء بها بن وبهـار .
وإليا أستوت بين الرياجيل سقها
في مجلس تلقابه إعلوم وأخبـار
واللي يعرف السالفه مـا سبقهـا
والعود من بين الرياجيـل ينـدار
الطيبه في بيت منهـو عشقهـا
وباق السوالف ضايعه مالها كـار
ما دامت الدنيا لمن هـو حبقهـا
حتيش لوهو جمع المال وش صار
لا مات ماله علقـةٍ فـي شبقهـا
يركض مع الدنيا تقل ركض دوار
يبي يموت وحاجتـه مـا لحقهـا
كم واحدٍ من لوعة الوقت محتار .
له كلمةٍ في خاطـره مـا نطقهـا
دنيا مشاربها حـلاوات وامـرار
. على كذا من يوم ربـي خلقهـا
دنيا وراها الموت قصاف الأعمار
وين الرجال اللي من أول محقهـا
والله يجنبنا طواريـق الأشـرار
وأهني نفـسٍ بالعبـاده رزقهـا
يقولـه اللـي بالتماثيـل يختـار
قصيدته من صاحبه مـا سرقهـا
وصلاة ربي عد هتاف الأمطـار
على نبـيٍ لحيتـه مـا حلقهـا

[**أبوعبدالعزيز**]

أخوي / أبو منيف..
نسعد بهذا التواصل مع المنتدى , وأهلا بكل مشاركاتك .
وتشكر على هذه الدرة الرائعة للشاعر /سعود بن صالح بن دفيلج البشري .

[خالد الحميدي]

صح السانك ولسان الشاعر
سعود الصالح البشري